عبد الحكيم الجابري
ذكرتك و انبعث فيني حزن يستوطـن اعماقـي
و تمنى شوفتك قلب يضيق الكون من همه
ذكرتك يوم انا و ردة صغيـرة وانتـي الساقـي
سقيتي من حنانك طفل قبلـك مـا نطـق فمـه
تمنيتك ونار الضيـق تحـرق قلبـي احراقـي
تخيلتك مثـل منتـي معـي بالبيـت يـا يمـه
خيالك كل مـا جانـي توقـف صـوت خفاقـي
اشوفك و اسمع الضحكة و ريحة عطرك اشمـه
فقدتك يا بعد عمري و حبي و اطهـر اشواقـي
فقدت ايام مـا ترجـع فقـدت البيـت و اللمـة
رحلتي بالفرح كلـه و بعـدك مـا بقـى باقـي
و تركتي وحشة الذكرى تجر الـروح يـا يمـه
يا اغلى قلب ودعني و مثله صعب انـا الاقـي
يا اروع من عن الدنيا رحل و اطهر ثرى ضمه
تعالي و اسقي عروقي و لمي يابـس اوراقـي
تعالي و احضني قلب تخالط حزنـه بدمـه
ابيك تجين وتشوفين وشلـون الفضـا ضاقـي
و كيف الهم بفراقك سرى و سط الحشـا سمـه
عساك بجنة الفـردوس عنـد الخالـق الباقـي
وعسا حزن سكن قلبي يزيل و ينكشف غمه
ذكرتك و انبعث فيني حزن يستوطـن اعماقـي
و تمنى شوفتك قلب يضيق الكون من همه
ذكرتك يوم انا و ردة صغيـرة وانتـي الساقـي
سقيتي من حنانك طفل قبلـك مـا نطـق فمـه
تمنيتك ونار الضيـق تحـرق قلبـي احراقـي
تخيلتك مثـل منتـي معـي بالبيـت يـا يمـه
خيالك كل مـا جانـي توقـف صـوت خفاقـي
اشوفك و اسمع الضحكة و ريحة عطرك اشمـه
فقدتك يا بعد عمري و حبي و اطهـر اشواقـي
فقدت ايام مـا ترجـع فقـدت البيـت و اللمـة
رحلتي بالفرح كلـه و بعـدك مـا بقـى باقـي
و تركتي وحشة الذكرى تجر الـروح يـا يمـه
يا اغلى قلب ودعني و مثله صعب انـا الاقـي
يا اروع من عن الدنيا رحل و اطهر ثرى ضمه
تعالي و اسقي عروقي و لمي يابـس اوراقـي
تعالي و احضني قلب تخالط حزنـه بدمـه
ابيك تجين وتشوفين وشلـون الفضـا ضاقـي
و كيف الهم بفراقك سرى و سط الحشـا سمـه
عساك بجنة الفـردوس عنـد الخالـق الباقـي
وعسا حزن سكن قلبي يزيل و ينكشف غمه